“АВДАР ДҮҮРЭН ЦЭВЭР АГААР” төсөл

“АВДАР ДҮҮРЭН ЦЭВЭР АГААР” төсөл нь хямд, хүртээмжтэй, байгальд ээлтэй арга шийдлээр дотоод орчны агаарын бохирдлыг бууруулж, олон нийтийг цэвэр агаараар амьсгалах боломжоор хангах зорилготой бөгөөд хоёр жилийн хугацаанд хөгжүүлэлтээ дуусгаж, бүтээгдэхүүн үйлдвэрлэлээ эхлүүлээд байна. Тус төслийн хүрээнд бид 100 хувь байгальд шингэцтэй хонины ноосон материал ашиглан шүүлтүүр үйлдвэрлэх шугамыг нэвтрүүлсэн юм.

Бид шинэ загварын Airee 3.0 агаар цэвэршүүлэгчийг “Авдар дүүрэн цэвэр агаар” нэртэй краудфандинг төслөөр дамжуулан олон нийтэд танилцуулж байна. Уг төслөөр дамжуулан дараагийн 1–2 жилийн хугацаанд Airee брэндийг Зүүн Өмнөд Ази болон Америк тивд экспортлох үйл ажиллагааг санхүүжүүлж, Монголын инновац, тогтвортой хөгжлийн шийдлийг дэлхийд таниулах зорилго тавьж байна.

Airee брэндийн тухай

Airee брэнд нь байгальд болон хүнд ээлтэй орчин бүрдүүлэх зорилготой, биотехнологи болон шинжлэх ухаанд суурилсан бүтээгдэхүүн, бизнесийг бий болгохоор нэгдсэн монгол залуучуудын бүлгээс эхлэлтэй. Бид агаарын бохирдолд чиглэн, агаар цэвэршүүлэгчийн өндөр өртөг, шүүлтүүрийн хүртээмж муу зэрэг асуудлыг байгальд ээлтэй материалаар шийдэхийг зорьсон юм.

Төслийн эцсийн зорилго нь гэр, ажил гээд хаана ч эрүүл агаараар амьсгалах хялбар орчныг бий болгох бөгөөд дэлгэрэнгүй мэдээллийг airee.mn сайтаас авах боломжтой.